„საქართველოს ჟურნალისტური ეთიკის ქარტია“ აცხადებს კონკურსს - „ქალთა უფლებებისა და გენდერული თანასწორობის გაშუქება“, რომლის მიზანიც ეთიკური ჟურნალისტიკის განვითარებისა და პროფესიული სტანდარტების დამკვიდრების ხელშეწყობაა.

კონკურსში მონაწილეობის მიღება შეუძლია როგორც ჟურნალისტს ინდივიდუალურად, ისე მედიასაშუალებას. თითოეულმა განმცხადებელმა მხოლოდ ერთი საკონკურსო ნაშრომი: ბეჭდური, აუდიო, ვიდეო ან  მულტიმედიური მასალა უნდა წარადგინოს.

გამარჯვებულს დამოუკიდებელი ჟიური გამოავლენს, რომელსაც პრიზი გაეროს ქალთა ორგანიზაციასთან თანამშრომლობით გადაეცემა. 

პროცედურები და შერჩევის კრიტერიუმები:

• მონაწილეობის მსურველებმა უნდა წარადგინონ მედიაპროდუქტი, რომელიც გამოქვეყნდა 2023 წლის 15 ნოემბრიდან 2024 წლის 15 ნოემბრამდე პერიოდში. 
• მონაწილეობის მსურველმა უნდა წარადგინოს გამოქვეყნებული მასალის ბმული. იმ შემთხვევაში, თუ საკონკურსო ნამუშევარი ინტერნეტ სივრცეში არ მოიძებნება, კონკურსანტს შეუძლია გამოგზავნოს ვიდეორეპორტაჟის და/ან მულტიმედია პროდუქტის შემთხვევაში ჩანაწერი, სტატიის შემთხვევაში კი მისი სკანირებული ან სქრინ ვერსია.
• მონაწილეობის მსურველმა უნდა შეავსოს განაცხადი. (განაცხადის შევსება სავალდებულოა და მის გარეშე მხოლოდ ელექტრონულ მისამართზე მიღებული განცხადებები არ განიხილება.)
• დამატებითი მასალები (არსებობის შემთხვევაში) უნდა გაგზავნოთ შემდეგ ელექტრონულ მისამართზე: ethicscharter@gmail.com  
• საკონკურსო ნაშრომი გამოქვეყნებული უნდა იყოს საქართველოში მოქმედ რომელიმე მედიასაშუალებაში.

საკონკურსო ნამუშევრების მიღების ბოლო ვადაა 2024 წლის 30 ნოემბერი, 18:00 საათი. გამარჯვებული კი, 2024 წლის დეკემბერში გამოვლინდება. ნამუშევრების შეფასების ზოგადი კრიტერიუმების შესახებ დეტალურად იხილეთ აქ.

ქარტია პრიზს უკვე 11 წელია გასცემს, „ქალთა უფლებებისა და გენდერული თანასწორობის გაშუქება“ - ამ ნომინაციის გამარჯვებული კი, წელს მეოთხედ გამოვლინდება.

„საქართველოს ჟურნალისტური ეთიკის ქარტია“ წევრობაზე დაფუძნებული დამოუკიდებელი ორგანიზაციაა, რომლის ხელმომწერიც 300-ზე მეტი ჟურნალისტია.

„საქართველოს ჟურნალისტური ეთიკის ქარტიამ“ ქარტიის პრიზი 2024-ის მოსაპოვებლად განაცხადების მიღება დაიწყო. ყოველწლიური კონკურსის მიზანი ეთიკური ჟურნალისტიკის განვითარების ხელშეწყობა და პროფესიული სტანდარტების დამკვიდრებაა.


კონკურსი გამოცხადდა ექვს ნომინაციაში:

1. სტატია/მულტიმედია სტატია ონლაინ მედიაში

2. სიღრმისეული ან საგამოძიებო ნამუშევარი

3. ფოტო/ფოტორეპორტაჟი ონლაინ ან ბეჭდურ მედიაში

4. ბლოგი/მოსაზრება ონლაინ მედიაში

5. ადგილობრივი პრობლემების საუკეთესო გაშუქება რეგიონულ მედიაში

6. ხალხის რჩეული: დემოკრატიის მცველები - წლის მთავარი მოვლენების საუკეთესო გაშუქება.

გამარჯვებულებს დამოუკიდებელი ჟიური შეარჩევს, „ხალხის რჩეული“ კი, ჟიურის მიერ შერჩეული სამი კანდიდატიდან, ხმის მიცემით გამოვლინდება. პრიზები დაწესებულია USAID მედია პროგრამის მიერ.

პროცედურები და შერჩევის კრიტერიუმები:

• მონაწილეობის მსურველებმა უნდა წარადგინონ მედია პროდუქტი, რომელიც გამოქვეყნდა 2023 წლის 15 ნოემბრიდან 2024 წლის 15 ნოემბრამდე პერიოდში.
• მასალის წარდგენა შეუძლია როგორც ჟურნალისტს ინდივიდუალურად, ისე მედიასაშუალებას.
• მონაწილეობის მსურველმა უნდა წარადგინოს გამოქვეყნებული მასალის ბმული. იმ შემთხვევაში თუ საკონკურსო ნამუშევარი ინტერნეტ სივრცეში არ მოიძებნება, კონკურსანტს შეუძლია გააგზავნოს ჩანაწერი, სტატიის შემთხვევაში კი - მისი სკანირებული ან სქრინ ვერსია.
• მონაწილეობის მსურველმა უნდა შეავსოს აპლიკაციის ფორმა - https://docs.google.com/forms/d/e/1FAIpQLSeVNMJkzRa8R4_WIBPuB7uC8J3KIVy8_KmFs_kiuhFKJ9HCwA/viewform 
• დამატებითი მასალები (არსებობის შემთხვევაში) გააგზავნეთ შემდეგ ელექტრონულ მისამართზე: ethicscharter@gmail.com
• თითოეულ აპლიკანტს ერთ ნომინაციაში ერთი საკონკურსო ნაშრომის წარდგენა შეუძლია.
• საკონკურსო ნაშრომი მომზადებული უნდა იყოს საქართველოს აუდიტორიისთვის.
• საკონკურსო ნამუშევრების მიღების ბოლო ვადაა 2024 წლის 30 ნოემბერი, 18:00 საათი.
• გამარჯვებული 2024 წლის დეკემბერში გამოვლინდება.

ნამუშევრების შეფასება 

„ჟურნალისტური პროდუქტის შეფასებისას ამოსავალია ის პროფესიული და ეთიკური სტანდარტები, რომელთაც საქართველოს ჟურნალისტური ეთიკის ქარტია  ეფუძნება“, - განმარტავს ორგანიზაცია.

ზოგადი კრიტერიუმები:

• თემის აქტუალობა/თემის მიმართ მაღალი საზოგადოებრივი ინტერესი;
• ინფორმაციის სიზუსტე;
• ფაქტებისა და მოსაზრებების გამიჯვნა, მიუკერძოებლობა;
• მხარეთა ბალანსი;
• ინფორმაციის წყაროთა მრავალფეროვნება;
• თხრობის სტილი და ტექნიკა;
• ინფორმაციის გადმოცემის ხერხების მრავალფეროვნება;
• დრამატურგია და ვიზუალური მხარე;
• არ უნდა იყოს გამოყენებული სიძულვილის ენა.

ონლაინ გამოცემა „სამხრეთის კარიბჭე“ (sknews.ge) ჟურნალისტის პოზიციაზე ვაკანსიას აცხადებს და დაინტერესებულ პირებს სამუშაოდ იწვევს. სამუშაო ადგილი ახალციხე.

ჟურნალისტის ძირითადი მოვალეობა:

ახალი ამბებისა და თემატური მასალების მოძიება და მომზადება;

მოთხოვნა:

– უმაღლესი განათლება;

– გამოცდილება ახალი ამბების მომზადებაში;

– ქართულ ენაზე გამართულად წერის უნარი;

სამუშაო განრიგი: სრული

როგორც ორგანიზაციის განცხადებიდან ირკვევა, ანაზღაურება განისაზღვრება კანდიდატის სამუშაო გამოცდილებისა და უნარ-ჩვევების შესაბამისად (დამატებით ინფორმაციას ანაზღაურების შესახებ შერჩეული კანდიდატები გასაუბრების დროს მიიღებენ);

დაინტერესებულმა პირებმა რეზიუმე და სამოტივაციო წერილი 31 ოქტომბრამდე უნდა გააგზავნონ შემდეგ მისამართზე: sknews.ge@gmail.com   

პრემიისთვის - ,,ლექსო“ უფლებადამცველი მედია პროფესიონალების დასახელება დაიწყო. ნომინაციაზე - განსაკუთრებული წვლილი მშვიდობიანი მანიფესტაციებისა და საპროტესტო აქციების დოკუმენტირება/გაშუქებისთვის კანდიდატების წარდგენა შეუძლიათ:

„2024 წელს პრემიის ფოკუსში მშვიდობიანი პროტესტის უფლება და მისი გაშუქებაა. წლევანდელი პრემია განკუთვნილი იქნება სწორედ იმ მედია პროფესიონალებისათვის, რომლებიც  თავიანთი საქმიანობის მანძილზე, სხვადასხვა ფორმით აშუქებენ პროტესტს. გამარჯვებულის გამოვლენისთვის მნიშვნელოვანი კრიტერიუმი იქნება მისი, როგორც მედიის წარმომადგენლის როლისა და წვლილის შეფასება საქართველოში საპროტესტო აქციებისა და მანიფესტაციების გაშუქებისთვის, უფლებადარღვევების დოკუმენტირებისთვის, მისი ადვოკატირებისთვის, რამაც მნიშვნელოვანი გავლენა იქონია და საჭირო დოკუმენტაცია შექმნა ადამიანის უფლებების დასაცავად,“ - აღნიშნულია ორგანიზაციის განცხადებაში.

ვისი ნომინირებაა შესაძლებელი: 18+ ასაკის მედია პროფესიონალები (ჟურნალისტები, ოპერატორები, ფოტოგრაფები და ა.შ.), ვისაც განგრძობითად, პროფესიული საქმიანობის ფარგლებში საქართველოში სამოქალაქო პროტესტის დოკუმენტირებაში და გაშუქებაში განსაკუთრებული წვლილი აქვთ შეტანილი.

ნომინირებისთვის წარსადგენი დოკუმენტაცია: კონკურსში მედია პროფესიონალის ნომინირებისთვის განმცხადებელმა ორგანიზაციამ/საინიციატივო ჯგუფმა უნდა შეავსოს:  სარეგისტრაციო განაცხადი;

სამოქალაქო საზოგადოების და მედიის ნომინირებული კანდიდატებიდან ჟიური შეარჩევს  2024 წლის ორ გამარჯვებულს:

1-ლი ადგილი: პრიზი და ფულადი ჯილდო 3000 ევროს ეკვივალენტი ლარში.
მე-2 ადგილი: პრიზი და ფულადი ჯილდო 2000 ევროს ეკვივალენტი ლარში.

საკონკურსო განაცხადები მიიღება 2024 წლის 3 ოქტომბრის ჩათვლით.

• კონკურსის შესახებ დეტალური ინფორმაცია ხელმისაწვდომია ბმულზე:  https://shorturl.at/wYu5H
• კანდიდატის ნომინირებისთვის შეავსეთ ფორმა: https://www.surveymonkey.com/r/JCSRV7T

,,თბილისის ადამიანის უფლებათა სახლმა“ ,,ლექსო – პრემია უფლებადამცველი მედია პროფესიონალებისთვის“ 2021 წელს დააარსა. პრემია  ოპერატორის, ლექსო ლაშქარავას სახელს ატარებს. ლექსო ერთ-ერთი იყო მედიის იმ 50-ზე მეტ წარმომადგენელს შორის, რომელსაც  2021 წლის 5 ივლისს, „ღირსების მარშის“ საწინააღმდეგოდ გამართულ  დემონსტრაციაზე თავს დაესხნენ. ამ შემთხვევიდან 6 დღის შემდეგ ლექსო ლაშქარავა გარდაიცვალა, გარდაცვალების ზუსტი მიზეზი დღემდე უცნობია.

2024 წელს პრემია ,,ლექსო“ მხარდამჭერია ნორვეგიული ორგანიზაცია ,,ადამიანის უფლებათა სახლის ფონდი“ და „ჩეხეთის რესპუბლიკის ტრანზიციის პროგრამა“.