Maisi.News ევროკავშირის, კონსტიტუციური უფლებებისა და ინსტიტუციების შესახებ სტატიების მოსამზადებლად ჟურნალისტ-მკვლევარსა და ახალი ამბების ჟურნალისტს იწვევს.

დაინტერესებულ პირს უნდა შეეძლოს საჯარო ინფორმაციის მოპოვება, დამუშავება და ანალიზი. მას უნდა ჰქონდეს ამბის თხრობის/წერის გამოცდილება და დაინტერესებული უნდა იყოს ისეთი საკითხებით, როგორებიცაა: ევროკავშირი, ადამიანის უფლებები, დემოკრატიული ინსტიტუციები, საქართველოს სხვადასხვა რეგიონები და დაკავშირებული საკითხები.

განცხადების მიხედვით, მედია კანდიდატებს სთავაზობს: 

• მორგებულ, მოქნილ განრიგს და ნაწილობრივ დისტანციურად მუშაობის შესაძლებლობას;
• განგრძობით სწავლებასა და სხვადასხვა ტრენინგში მონაწილეობის მიღების შესაძლებლობას.
• მომსახურების ანაზღაურებას - შეთანხმებით.

დეტალური ინფორმაცია იხილეთ ბმულზე. შეკითხვების შემთხვევაში, შეგიძლიათ ორგანიზაციას დაუკავშირდეთ შემდეგ მისამართზე: editorial@maisi.news

OC Media 26 ოქტომბრის საპარლამენტო არჩევნების გასაშუქებლად 15-მდე ჟურნალისტს იწვევს. 

მედიაორგანიზაცია ისეთ ადამიანებს ეძებს, ვინც ქართულ და ინგლისურ ენებს თავისუფლად ფლობს, აქვს ჟურნალისტად მუშაობის გამოცდილება და არჩევნების დღეს, მთელი დღის მანძილზე, კონკრეტულ რეგიონში მუშაობა შეუძლია. მათი ანაზღაურება 180 დოლარი იქნება (გადასახადების ჩათვლით).

OC მედიას ჟურნალისტები განსაკუთრებით შემდეგ რეგიონებში სჭირდება: კახეთი, აჭარა (ბათუმის გარდა), სამეგრელო-ზემო სვანეთი და გურია.

დაინტერესებულ პირებს CV-ის გაგზავნა სათაურით - „ჟურნალისტი არჩევნების გაშუქებისთვის“ შემდეგ მისამართზე შეუძლიათ: contact@oc-media.org

„ევროპის ფონდის“ მიერ დაწესებული ყოველწლიური კონკურსის - „საგამოძიებო ჟურნალისტიკის ჯილდო“ ფარგლებში საკონკურსო განაცხადების მიღება 10 სექტემბრამდე გრძელდება.

დაინტერესებულ ჟურნალისტებსა და მედიასაშუალებებს შეუძლიათ კონკურსზე წარადგინონ მათ მიერ მომზადებული საგამოძიებო სიუჟეტები, რომლებიც 2023 წლის 30 სექტემბრიდან 2024 წლის 1 სექტემბრამდე პერიოდში გამოქვეყნდა.

კონკურსს ევროპის ფონდი 2021 წლიდან მართავს. მისი მიზანია იმ ქართველი გამომძიებელი ჟურნალისტების მხარდაჭერა და წახალისება, ვისაც მნიშვნელოვანი საკითხების გასაშუქებლად ხშირად სახიფათო და მტრულ გარემოში უწევთ მუშაობა.

„კონკურსი გამოავლენს და დააჯილდოვებს იმ ჟურნალისტებს და მედია საშუალებებს, რომლებმაც გამოააშკარავეს სიმართლე და, ამავდროულად, ბიძგი მისცეს ფართო საზოგადოებრივ მობილიზაციას პასუხისმგებელი პირების ანგარიშვალდებულების მოთხოვნით, ან მიაღწიეს სხვა ხელშესახებ ცვლილებას საქართველოს მოქალაქეთა საკეთილდღეოდ,“ - აღნიშნულია ორგანიზაციის განცხადებაში.

დეტალური ინფორმაციისათვის ეწვიეთ ბმულს

დედამიწის ჟურნალისტიკის ქსელი (Internews’ Earth Journalism Network) აცხადებს ვირტუალური სტიპენდიის პროგრამას ბიომრავალფეროვნებისა და კლიმატის თემებით დაინტერესებული ჟურნალისტებისთვის. მსურველებისთვის შესაბამისი აპლიკაციის შევსების ბოლო ვადა 15 აგვისტოა.

EJN და Stanley Center for Peace and Security  სთავაზობენ ვირტუალურ სტიპენდიებს 10 ჟურნალისტს - ხუთი სამხრეთ აზიიდან და ხუთი ევროპიდან და ევრაზიიდან - რათა გააშუქონ წლევანდელი UNFCCC COP29 კონფერენცია, რომელიც  ჩატარდება ბაქოში (აზერბაიჯანში) 2024 წლის 11-22 ნოემბრის პერიოდში.

სტიპენდიები ასევე გაიცემა რვა ჟურნალისთვის (ოთხი აფრიკიდან და ოთხი ლათინურ ამერიკიდან), რათა გააშუქონ წლევანდელი UNCBD COP16 კონფერენცია დისტანციურად, რომელიც  2024 წლის 21 ოქტომბრიდან 1 ნოემბრამდე პერიოდში კალიში (კოლუმბია) ჩატარდება.

პროგრამების შესახებ დეტალური ინფორმაცია იხილეთ აქ.