ნიკა გვარამიას ინფორმაციით, დაკავებულია "მთავარი" არხის ერთ-ერთი მეწილე გიორგი რურუა
18.11.2019

ტელეკომპანია მთავარი არხის დამფუძნებლის ნიკა გვარამიას ინფორმაციით, დააკავეს არხის ერთ-ერთი დამფუძნებელი, გიორგი რურუა. გვარამია წერს, რომ რურუას იარაღი ჩაუდეს.

"აღარაა დრო დაყოვნების! ან ჩვენ ვრჩებით ამ ქვეყანაში, ან დამნაშავე ივანიშვილის კლეპტოკრატია, მისი კორუმპირებული და ანტიხალხური რეჟიმი და კაციჭამია ზონდერი სპეცრაზმელები! უზურპატორი უნდა გავუშვათ, ან ის დაგვტოვებს სამშობლოს გარეშე!" — წერს გვარამია.



ნიკა რურუას ძმა, გიორგი რურუა ტელეკომპანია "ფორმულას" 2.5%-იანი წილის მფლობელია

შინაგან საქმეთა სამინისტროს ინფორმაციით, გიორგი რურუა პოლიციამ სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავა, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ

ასევე იხილეთ