ნატო გოგელიას საცხოვრებელ სახლში უკანონოდ შეღწევის სამ ეპიზოდზე ჟურნალისტი დაზარალებულად ცნეს
18.04.2024

TV-პირველის ჟურნალისტის საცხოვრებელ სახლში უკანონოდ შეღწევის სამ ეპიზოდზე ნატო გოგელია პროკურატურამ დაზარალებულად ცნო.

 

„ადამიანის უფლებათა ცენტრის” განცხადებით, 24 მარტს ოზურგეთში ჟურნალისტის საცხოვრებელ სახლში უცნობი პირები შეიჭრნენ და ნივთები დააზიანეს. მსგავსი ინციდენტი 2023 წელს 3-ჯერ მოხდა. ნატო გოგელია მომხდარს პროფესიულ საქმიანობას უკავშირებს და დაშინებისა და გაჩუმების მცდელობად მიიჩნევს.

 

„2024 წლის 8 აპრილს ჟურნალისტი დამატებით გამოიკითხა ოზურგეთის პოლიციის დეპარტამენტში და დაზარალებულად იქნა ცნობილი მის მიმართ განხორციელებულ ქურდობის სამ ეპიზოდში“, - ვკითხულობთ განცხადებაში. 

 

„ადამიანის უფლებათა ცენტრი“ ნატო გოგელიას დაზარალებულად ცნობას მის საცხოვრებელ სახლში უკანონოდ შეღწევის მეოთხე ეპიზოდზეც ითხოვს, რომელიც 2023 წლის 27 თებერვალს მოხდა.

 
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ

მსგავსი სტატიები