რუსმა ჟურნალისტმა პოლიციის შენობის წინ თავი დაიწვა
03.10.2020
რუსმა ჟურნალისტმა ირინა სლავინამ პოლიციის შენობის წინ თავი დაიწვა. თვითმკვლელობამდე რამდენიმე საათით ადრე კი ჟურნალისტმა ფეისბუქზე დაწერა:

"გთხოვთ, ჩემს სიკვდილში რუსეთის ფედერაცია დაადანაშაულოთ".

შემთხვევა ქალაქ ნიჟნი ნოვგოროდში მოხდა.



თვითმკვლელობამდე ერთი დღით ადრე, სლავინა ფეისბუკის პირად გვერდზე წერდა, რომ პოლიციამ გაჩხრიკა მისი ბინა, სადაც ეძებდნენ პრო-დემოკრატიული მოძრაობის - "ღია რუსეთის" მასალებს. მისივე თქმით, 12 ადამიანი იძულებით შეიჭრა მის ბინაში. პოლიციელებმა სალვინას და მისი ქალიშვილის ლეპტოპი, ასევე, მისი და მეუღლის ტელეფონები წაიღეს.

ირინა სლავინა ადგილობრივი გამოცემის, "Koza Press-ის" მთავარი რედაქტორი იყო. BBC-ის ინფორმაციით, გასულ წელს სალვინა თავის ერთ-ერთ სტატიაში "ხელისუფლებისადმი უპატივცემულობისთვის" დაჯარიმდა.

ავტორი : მაგდა გუგულაშვილი;
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ

ასევე იხილეთ