სულ მცირე 6 ჟურნალისტია იმ მოქალაქეებს შორის, რომლებიც დაიღუპნენ, დაშავდნენ ან დაიკარგნენ ისრაელსა და ღაზას შორის მიმდინარე კონფლიქტისას.

დეტალები

როგორც ჟურნალისტთა დაცვის კომიტეტი (CPJ) წერს, ბოლო ინფორმაციით, დაიღუპა 3, დაშავდა 1 და დაკარგულად ითვლება 2 ჟურნალისტი. საერთაშორისო მედია წერს, რომ ამ დროისთვის ღაზას სექტორში უკვე 6 ჟურნალისტია დაღუპული.

დაღუპულებს შორის არიან:

• ორი პალესტინელი ჟურნალისტი, რომლებიც რეპორტაჟს ამზადებდნენ - ისინი ღაზას სექტორში იმყოფებოდნენ.
• Smart Media-ის რეპორტიორი, რომელიც ასევე რაზაში მუშაობდა.

დაშავებულთა შორისაა, იბრაჰიმ კანანი Al-Ghad კორესპონდენტი, რომელიც ჭურვის აფეთქებისას ღაზას სექტორში იმყოფებოდა.

დაკარგულად ითვლება ასევე 2 პალესტინელი ფოტოგრაფი ნიდალ ალ-ვაჰიდი და ჰაიტჰამ აბდელვაჰიდი.

ჟურნალისტთა უსაფრთხოება

ჟურნალისტების საკითხებზე მომუშავე ორგანიზაციები მოუწოდებენ ყველა მხარეს, დაიცვან მედიის წარმომადგენელთა უფლებები.

• “ზუსტი გაშუქება გადამწყვეტია კრიზისის დროს. მედიას აქვს სასიცოცხლო როლი ღაზადან და ისრაელიდან ახალი ამბების გააცნოს მთელ მსოფლიოს“ - თქვა შერიფ მანსურმა, CPJ-ის ახლო აღმოსავლეთისა და ჩრდილოეთ აფრიკის პროგრამის კოორდინატორმა

საკითხი მნიშვნელოვანია, რადგან

• ჟურნალისტის უსაფრთხოება და სიცოცხლე, ნებისმიერ ინფორმაციაზე პრიორიტეტულია და მედიასაშუალებებს მართებთ, ამზადებდნენ მათ შესაბამისი ცოდნით;
• საჭიროა, მედიამ შეიმუშაოს სარედაქციო პროტოკოლი — როგორ იმოქმედებენ ამგვარი ვითარებისას;
• კონფლიქტების და ომის არაკვალიფიციური გაშუქებით, მედიამ შეიძლება ავნოს ადამიანების ჯანმრთელობასა და სიცოცხლეს.