ჰარვარდის უნივერსიტეტის სტუდენტების სატირულმა გამოცემამ The
Harvard Lampoon-მა ანა ფრანკის შეურაცხმყოფელი ფოტოსთვის ბოდიში მოიხადა.
გამოცემაში გამოქვეყნებული იყო ფოტო, რომელშიც ანა ფრანკის სახე
ბიკინიანი მოდელის ტანზეა მიმაგრებული. ფოტოს სათაურად ეწერა: "თავის
დრომდე გარდაცვლილი: ვირტუალური ასაკის მატების ტექნოლოგია
გვიჩვენებს, როგორი იქნებოდა ანა ფრანკი რომ არ მომკვდარიყო. დაამატეთ
ეს იმ მიზეზების ჩამონათვალს, თუ რატომ იყო ჰოლოკოსტი
საშინელება".
მოგვიანებით The Lampoon-მა თავის ვებგვერდზე ბოდიში მოიხადა "ჩვენ
ვაცნობიერებთ ჩვენს დანაშაულს და გვესმის, რომ ჩვენი ქმედებებისთვის
პასუხისმგებლობა უნდა ავიღოთ”, - აღნიშნული იყო განცხადებაში.
გამოცემამ აღნიშნა ისიც, რომ რედაქციაში მასალის განხილვის პროცესს
შეცვლიდა.
"ეს ფოტო არ შეესაბამება ჰარვარდის კოლეჯის ღირებულებებს და ჩვენ უკვე
დავიწყეთ დისკუსია იმ სტუდენტებთან და ორგანიზაციასთან, რომლებიც ამ
საქმეში მონაწილეობდნენ, რათა დავრწმუნდეთ რომ შესაბამისი ზომები
მიიღება", - განაცხადა ჰარვარდის უნივერსიტეტის წარმომადგენელმა აარონ
გოლდმენმა The New York Times-თან.
გოლდმენის თქმით, გამოცემაში გამოქვეყნებული შეურაცხყოფს და ფოტო
ჩრდილს აყენებს ანა ფრანკის ხსოვნას.
წყარო: iMediaEthics
