კრემლის პროპაგანდისტული არხი НТВ ტელეწამყვანმა ლილია გილდეევამ ქვეყანა დატოვა.

დეტალები

რუსეთის პროსახელიფუფლებო არხზე, საინფორმაციო პროგრამა “სივოდნიას” წამყვანის ქვეყნიდან გასვლის შესახებ ინფორმაცია თავდაპირველად Varlamov News-მა ტელეგრამით გაავრცელა.

გილდეევა, რომელიც არხზე 16 წლის განმავლობაში მუშაობდა ამბობს:

• “ ჯერ ქვეყანა დავტოვე, რადგან მეშინოდა, რომ არ გამიშვებდნენ, შემდეგ დავწერე [სამსახურის დატოვების შესახებ] წერილი.”

უცნობია რომელ ქვეყანაშია რუსი ტელეწამყვანი.

წამყვანის შესახებ

45 წლის ლილია გილდეევა “ენ ტე ვეზე” 2006 წლიდან მუშაობდა, მანამდე მას გადაცემები რამდენიმე რეგიონულ არხზე მიჰყავდა.

ტელეწამყვანმა რუსეთის პრეზიდენტის, ვლადიმერ პუტინისგან მადლობა ორჯერ მიიღო:

• 2008 წელს - “რუსეთის ფედერაციაში სამოქალაქო საზოგადოების განვითარებისთვის ინფორმაციული მხარდაჭერისა და აქტიური სოციალური მუშაობისთვის”
• 2021 წელს - "მედიის განვითარებაში გაწეული სამსახურისთვის და მრავალწლიანი კეთილსინდისიერი მუშაობისთვის“. 

კონტექსტი 

უკრაინაში შეჭრიდან ერთი კვირის შემდეგ, რუსეთში ომის შესახებ მიიღეს კანონი, რომლითაც:

• სამხედრო მოქმედებების შესახებ „ყალბი“ ინფორმაციის განზრახ გავრცელება ითვალისწინებს თავისუფლების აღკვეთას სამ წლამდე, ან 15 წლამდე, თუკი მიიჩნევა, რომ მას „მძიმე შედეგები მოჰყვება “.
• „ყალბ ინფორმაციად“ რუსეთის ხელისუფლება მიიჩნევს ყველაფერს, ომის შესახებ, რაც რუსეთის ოფიციალური წყაროებიდან არ მოდის.