თბილისის საქალაქო სასამართლომ, რუსთაველის გამზირზე „თბილისი პრაიდის” საწინააღმდეგოდ გამართული აქციის მიმდინარეობის დროს ჟურნალისტებზე თავდასხმაში ბრალდებულ კიდევ 4 პირს, აღკვეთის ღონისძიების სახით, პატიმრობა შეუფარდა.

უწყების ინფორმაციით, გამოძიებით დადგინდა, რომ აქციის მიმდინარეობის დროს, ორმა ბრალდებულმა ორგანიზაცია „სირცხვილიას“ ოფისში, "tv პირველის" ჟურნალისტსა და ოპერატორს, სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენა. ორმა ბრალდებულმა კი რუსთაველის გამზირზე ტელეკომპანია „მთავარი არხის“ ოპერატორს მიაყენეს სიტყვიერი და ფიზიკური შეურაცხყოფა.

გამოძიება სისხლის სამართლის კოდექსის 26-ე მუხლის (ძალადობა) 1-ლი ნაწილი, 154-ე მუხლის მეორე ნაწილით (ჟურნალისტისთვის პროფესიულ საქმიანობაში უკანონოდ ხელის შეშლ) და 225-ე მუხლის მეორე ნაწილით (ჯგუფურ ძალადობაში მონაწილეობა) მიმდინარეობს.

8 ივლისს, თბილისის საქალაქო სასამართლომ “რუსთავის 2-ის”, “მთავარი არხის”, “ტაბულასა” და „ნიუპოსტის“ ჟურნალისტებზე თავდასხმაში ბრალდებულ 3 პირს შეუფარდა პატიმრობა.

შინაგან საქმეთა სამინისტროს ინფორმაციით, ამ დროისთვის, ჟურნალისტებზე თავდასხმის, დევნისა და ჯგუფური ძალადობის ფაქტებზე სულ 15 პირია დაკავებული. დაზარალებულად 19 ჟურნალისტია ცნობილი.

"ხელისუფლება არ უზრუნველყოფს ჟურნალისტების უსაფრთხოებას, ხოლო ბოლო წლებში განხორციელებული თავდასხმები უმეტესად გამოუძიებელია" - ასე აფასებენ არასამთავრობო და სამოქალაქო ორგანიზაციები 5-6 ივლისს მედიის წარმომადგენლებზე თავდასხმებს და ხელისუფლებას მოუწოდებენ შეწყვიტოს სიძულვილის ენით საუბარი მედიასთან.

ორგანიზაციები ამბობენ, რომ 2021 წლის 5 და 6 ივლისს „ღირსების მარშის” წინააღმდეგ გამართულ კონტრაქციაზე ძალადობრივი ჯგუფის წევრები მედიის წარმომადგენლებს წინასწარი განზრახვით დაესხნენ თავს, მიაყენეს ფიზიკური დაზიანებები და სიტყვიერი შეურაცხყოფა, მიზანმიმართულად დაუმტვრიეს ტექნიკა, რათა ხელი შეშლოდათ ჟურნალისტურ საქმიანობაში. ორგანიზაციები მიიჩნევენ, რომ საქართველოში ჟურნალისტების უფლებების დარღვევის შემთხვევები კრიტიკულ ზღვარს მიუახლოვდა:

“სამოქალაქო სექტორის წინასწარი მოწოდებების მიუხედავად, სახელმწიფომ არ მიიღო სათანადო ზომები აქციის ორგანიზატორებისა და მედიის დასაცავად. ძალადობის ფაქტები გადაიცემოდა პირდაპირი ეთერით. ნათელი იყო, რომ არასაკმარისი საპოლიციო ძალები ინერტულად მოქმედებდნენ და ვერ ახერხებდნენ წესრიგის აღდგენას.”

არასამთავრობოები, საქართველოში სიტყვისა და გამოხატვის თავისუფლების დასაცავად, ხელისუფლებას მიმართავენ და მოითხოვენ, რომ:

• 2021 წლის 5 და 6 ივლისს დაშავებული მედიის წარმომადგენლების საქმეებზე ჩატარდეს სწრაფი და ეფექტური გამოძიება, შესაბამისი პასუხისმგებლობა დაეკისროთ დამნაშავე პირებს.
• ხელისუფლებამ დაუყოვნებლივ შეწყვიტოს სიძულვილის ენით საუბარი მედიასთან და ღიად დაუჭიროს მხარი ჟურნალისტის პროფესიული საქმიანობის თავისუფლებას.

პარლამენტს კი მოუწოდებენ, რომ:

• უახლოეს პერიოდში დაგეგმოს საპარლამენტო მოსმენა 5-6 ივლისის მოვლენებთან დაკავშირებით და შეაფასოს მთავრობის მიერ მოქალაქეთა დაცვის მიზნით გადადგმული ნაბიჯები.
• მკაფიოდ და არაორაზროვნად დაგმონ ძალადობრივი მოწოდებები და ქმედებები.
• მკაფიოდ გააკეთონ განმარტებები გამოხატვის თავისუფლების სასარგებლოდ და ღიად დაუჭირონ მხარი ჟურნალისტის პროფესიული საქმიანობის თავისუფლებას.

განცხადებას 20-მდე არასამთავრობო და სამოქალაქო ორგანიზაცია აწერს ხელს:

Institute for Development of Freedom of Information
European Initiative - Liberal Academy Tbilisi
მედიაკლუბი
მედიის განვითარების ფონდი, MDF
Media Rights • მედიის უფლებები
სატელევიზიო ქსელი
Alliance of Broadcasters - Georgia / რეგიონულ მაუწყებელთა ალიანსი
საერთაშორისო გამჭვირვალობა-საქართველო
სამართლიანი არჩევნები (ISFED)
საქართველოს ახალგაზრდა იურისტთა ასოციაცია
საქართველოს დემოკრატიული ინიციატივა / Georgian Democracy Initiative
საქართველოს რეგიონული მედიის ასოციაცია - GRMA
საქართველოს მცირე და საშუალო სატელეკომუნიკაციო ოპერატორთა ასოციაცია
საქართველოს ჟურნალისტური ეთიკის ქარტია
Rights Georgia / უფლებები საქართველო
ღია საზოგადოების ფონდი / Open Society Georgia Foundation

თბილისის საქალაქო სასამართლომ “რუსთავის 2-ის”, “მთავარი არხის”, “ტაბულასა” და „ნიუპოსტის“ ჟურნალისტებზე თავდასხმაში ბრალდებული 3 პირი პატიმრობაში დატოვა.

მოსამართლე დავით კურტანიძემ ბრალდების მხარის შუამდგომლობა დააკმაყოფილა და აღკვეთის ღონისძიებად პატიმრობა გამოიყენა.

"მოსამართლემ მიიჩნია, რომ მტკიცებულებები სახეზე იყო, ასევე ის, რომ ახალი დანაშაულის ჩადენის, მოწმეებზე ზემოქმედებისა და ბრალდებულების მხრიდან მიმალვის საფრთხის თავიდან აცილება შესაძლებელი იქნებოდა მხოლოდ აღმკვეთი ღონისძიების სახით პატიმრობის გამოყენების შემთხვევაში.", - განმარტა პროკურორმა თამარ იაკობიძემ.

დაკავებულებს ბრალი სამი მუხლით აქვთ წარდგენილი:

• ჟურნალისტისათვის პროფესიულ საქმიანობაში უკანონოდ ხელის შეშლა ჩადენილი ძალადობის მუქარით (სსკ-ის 154-ე მუხლის მეორე ნაწილით)
• დევნა პროფესიულ მოღვაწეობასთან დაკავშირებით, ჩადენილი ძალადობით (156-ე მუხლის მე-2 ნაწილის „ა“ ქვეპუნქტით)
• ჯგუფურ ძალადობაში მონაწილეობის (225-ე მუხლის ნაწილით) წარედგინათ.

წარდგენილი ბრალდებები 4 წლიდან 6 წლამდე თავისუფლების აღკვეთას ითვალისწინებს. მომდევნო პროცესი 2 სექტემბერს გაიმართება.

ამ დროისთვის  ჟურნალისტებზე თავდასხმის, დევნისა და ჯგუფური ძალადობის ფაქტებზე ბრალი 8 პირს აქვს წარდგენილი. დაზარალებულად 19 ჟურნალისტია ცნობილი.

„იმედის“ მენეჯმენტში ცვლილებებია. გენერალური დირექტორის პოზიციაზე ნიკა ლალიაშვილი მაკა ლომიძემ ჩაანაცვლა. ლალიაშვილი კი მაუწყებლის აღმასრულებელი დირექტორი გახდა.

“იმედის” იმფორმაციით, მაკა ლომიძეს სხვადასხვა ტელევიზიაში მენეჯერის პოზიციაზე მუშაობის 19-წლიანი გამოცდილება აქვს და ის არხის მართვასა და მისი პოლიტიკის განსაზღვრას 8 ივლისიდან შეუდგა..

ნიკა ლალიაშვილი ტელეკომპანია “იმედის” დირექტორი 2020 წლის აგვისტოში გახდა. ამ პოზიციაზე მან ელდარ მდინარაძე ჩაანაცვლა. დირექტორის პოზიციის დაკავებიდან ორ თვეში “იმედის” ჰოლდინგში შემავალი ტელეკომპანიის, “მაესტროს” 5 ჟურნალისტის საჩივრის საფუძველზე, ჟურნალისტური ეთიკის ქარტიამ ნიკა ლალიაშვილს ქარტიის მე-2 პრინციპის დარღვევა დაუდგინა. ქარტიის საბჭომ მიიჩნია, რომ ლალიაშვილი ჟურნალისტების სარედაქციო დამოუკიდებლობაში ჩაერია და აიძულა მათ, რომ დაეტოვებინათ ტელეკომპანია.

ნიკა ლალიაშვილის სახელს უკავშირდება აგვისტოს ომზე მომზადებული პროპაგანდისტული ფილმი "ჩვენ მშვიდობით მოვიგებთ სხვის დაწყებულ ომს". მისი პროდიუსერობით მომზადებული ფილმი საზოგადოების კრიტიკის საგანი გახდა და ტელეკომპანია "იმედის" ჟურნალისტების ნაწილი ფილმის "მთავარ ხაზს" გაემიჯნა.

“უსაფრთხო მედიაგარემოსთვის” - ამ ლოზუნგით, ჟურნალისტური ეთიკის ქარტიის ორგანიზებით, 7 ივლისს მთავრობის ადმინისტრაციასთან საპროტესტო აქცია გაიმართა.

აქციის მონაწილეებმა ძალადობრივი ჯგუფების მიერ მედიის წარმომადგენლებზე მიზანმიმართული ძალადობა გააპროტესტეს და დამნაშავეების პასუხისგებაში მიცემა მოითხოვეს.

ქარტიამ მიმართა საქართველოში აკრედიტებულ დიპლომატიურ კორპუსსა და საერთაშორისო ორგანიზაციებს, რომ გამოიყენონ მათ ხელთ არსებული ყველა ბერკეტი და მყისიერი და ეფექტიანი რეაგირება მოახდინონ ჟურნალისტების მიზანმიმართულ დევნაზე, ჯანმრთელობის დაზიანების, პროფესიული მოვალეობის შესრულების დროს ხელშეშლის ფაქტებზე.

აქციაზე დაშავებული ჟურნალისტების მხარდასაჭერად და ძალადობის გასაპროტესტებლად თბილისსა და რამდენიმე რეგიონში აქციები 6 ივლისსაც გაიმართა.

5 ივლისს, თბილისში დაგეგმილი “ღირსების მარშის” წინააღმდეგ გამართულ აქციაზე ძალადობრივი ჯგუფები მედიის წარმომადგენლებს თავს დაესხნენ. შინაგან საქმეთა სამინისტროს ინფორმაციით, სულ დაშავებულია მედიის 53 წარმომადგენელი. ჩვენ ამ დროისთვის 49 ჟურნალისტის, ოპერატორის და ფოტორეპორტიორის იდენტიფიცირება შევძელით. მათი ნაწილი მძიმე დაზიანებებით ამ დრომდე საავადმყოფოში რჩება. დაზიანებული და განადგურებულია ტელევიზიების და ონლაინ გამოცემების ტექნიკა.

ამ ეტაპზე, დაზარალებულად ცნობილია 17 ჟურნალისტი და ოპერატორი. პროკურატურამ “რუსთავის 2-ის”, “მთავარი არხის”, “ტაბულას” და „ნიუპოსტის“ ჟურნალისტებზე პროფესიული საქმიანობის გამო განხორციელებული დევნისა და უკანონოდ ხელშეშლის ფაქტზე, სამ პირს ბრალი წარუდგინა.

“რუსთავის 2-ის”, “მთავარი არხის”, “ტაბულას” და „ნიუპოსტის“ ჟურნალისტებზე პროფესიული საქმიანობის გამო განხორციელებული დევნისა და უკანონოდ ხელშეშლის ფაქტზე, პროკურატურამ სამ პირს ბრალი წარუდგინა.

დაკავებულებს ბრალი სამი მუხლით წარედგინათ: 

• ჟურნალისტისათვის პროფესიულ საქმიანობაში უკანონოდ ხელის შეშლა ჩადენილი ძალადობის მუქარით (სსკ-ის 154-ე მუხლის მეორე ნაწილით)
• დევნა პროფესიულ მოღვაწეობასთან დაკავშირებით, ჩადენილი ძალადობით (156-ე მუხლის მე-2 ნაწილის „ა“ ქვეპუნქტით)
• ჯგუფურ ძალადობაში მონაწილეობის (225-ე მუხლის ნაწილით)  წარედგინათ.

"ბრალდების მხარე დაზარალებულების კანონიერი ინტერესების დასაცავად, საქართველოს კანონმდებლობით გათვალისწინებულ ყველა საჭირო ქმედებას განახორციელებს", - ნათქვამია პროკურატურის განცხადებაში.

პროკურატურის ინფორმაციით, ამ ეტაპზე, დაზარალებულად ცნობილია 17 ჟურნალისტი და ოპერატორი.

5 ივლისს, თბილისში “თბილისი პრაიდის” მიერ დაგეგმილი “ღირსების მარშის” წინააღმდეგ გამართულ აქციაზე ძალადობრივი ჯგუფები მედიის წარმომადგენლებს თავს დაესხნენ, აყენებდნენ ფიზიკურ და სიტყვიერ შეურაცხყოფას და ხელს უშლიდნენ ჟურნალისტური საქმიანობის შესრულებაში.

შინაგან საქმეთა სამინისტროს ინფორმაციით, სულ დაშავებულია მედიის 53 წარმომადგენელი. ჩვენ ამ დროისთვის 48 ჟურნალისტის, ოპერატორის და ფოტორეპორტიორის იდენტიფიცირება შევძელით. მათი ნაწილი მძიმე დაზიანებებით ამ დრომდე საავადმყოფოში რჩება.

პარლამენტთან “პალიტრანიუსის” ოპერატორ ბექა მშვილდაძეს ძალადობრივი ჯგუფის წარმომადგენელი თავს დაესხა. ოპერატორის თქმით, მას თავის არეში, სავარაუდოდ, ბლაგვი საგანი ჩაარტყეს.

მაუწყებლების მიერ გადაღებულ კადრებში ჩანს, რომ თავდამსხმელი პოლიციამ ადგილიდან გაიყვანა, თუმცა, უცნობია, დააკავეს თუ არა. შსს-ს პრესსამსახურში გვითხრეს, რომ ინფორმაციას აზუსტებენ.

ჟურნალისტები პარლამენტის შენობასთან დღეს 20:00 საათზე დაანონსებული "მდუმარე აქციის" გასაშუქებლად არიან შეკრებილნი. ცოტა ხნის წინ გავრცელდა ინფორმაცია, რომ აქციას უერთდება “თბილისი პრაიდიც”. პარალელურად, კონტრაქციას აანონსებენ ძალადობრივი ჯგუფები.

5 ივლისს, თბილისში დაგეგმილი “ღირსების მარშის” წინააღმდეგ გამართულ აქციაზე ძალადობრივი ჯგუფები მედიის წარმომადგენლებს თავს დაესხნენ. შინაგან საქმეთა სამინისტროს ინფორმაციით, სულ დაშავებულია მედიის 53 წარმომადგენელი. ჩვენ ამ დროისთვის 47 ჟურნალისტის, ოპერატორის და ფოტორეპორტიორის იდენტიფიცირება შევძელით. მათი ნაწილი მძიმე დაზიანებებით ამ დრომდე საავადმყოფოში რჩება. დაზიანებული და განადგურებულია ტელევიზიების და ონლაინ გამოცემების ტექნიკა.

აქცია ძალადობის გასაპროტესტებლად, მედიის წარმომადგენლებმა, სხვადასხვა საზოგადოებრივმა ჯგუფმა, მოძრაობა "სირცხვილიამ" და პოლიტიკურმა პარტიებმა დააანონსეს. 

შსს-ს ინფორმაციით, ამ დროისთვის, ჟურნალისტებზე ფიზიკური ძალადობისა და პროფესიულ საქმიანობაში უკანონოდ ხელშეშლის ფაქტზე, სამი პირია დაკავებული. უწყებაში ამბობენ, რომ გამოძიება სისხლის სამართლის კოდექსის 154-ე მუხლის მეორე ნაწილით და 126-ე მუხლის 1 ნაწილით გრძელდება.

რადიკალური ჯგუფების მიერ დაშავებული მედიის წარმომადგენლების მხარდასაჭერად და ძალადობის გასაპროტესტებლად 6-7 ივლისს თბილისში რამდენიმე აქცია დაიგეგმა/ჩატარდა.

“უსაფრთხო მედიაგარემოსთვის!” - ამ ლოზუნგით, 7 ივლისს, მთავრობის ადმინისტრაციასთან აქცია დააანონსა საქართველოს ჟურნალისტური ეთიკის ქარტიამ.

ქარტია მოითხოვს, რომ შინაგან საქმეთა მინისტრმა აიღოს პოლიტიკური პასუხისმგებლობა მედიის წარმომადგენლებზე ძალადობის ფაქტებზე; ასევე, დროულად და ეფექტიანად გამოიძიონ 5 ივლისს დაშავებული მედიის წარმომადგენლების საქმე და შესაბამისი პირები მიეცენ პასუხისგებაში.

ქარტია მივმართავს საქართველოში აკრედიტებულ დიპლომატიურ კორპუსსა და საერთაშორისო ორგანიზაციებს, რომ გამოიყენონ მათ ხელთ არსებული ყველა ბერკეტი და მყისიერი და ეფექტიანი რეაგირება მოახდინონ ჟურნალისტების მიზანმიმართულ დევნაზე, ჯანმრთელობის დაზიანების, პროფესიული მოვალეობის შესრულების დროს ხელშეშლის ფაქტებზე.

დღეს 20:00 საათზე თბილისში, კანცელარიასთან მედიის წარმომადგენლების აქცია დააანონსა “ქართველი ვიდეო ოპერატორები და ფოტოგრაფები-ს” გვერდმაც.

5 ივლისს დაშავებული ჟურნალისტების მხარდასაჭერად და ძალადობის გასაპროტესტებლად რამდენიმე რეგიონში აქციები დღეს დილით უკვე გაიმართა.

"არა ძალადობას, მოგვეცით მუშაობის საშუალება" - ამ ლოზუნგით მედიასაშუალებების წარმომადგენლები ქუთაისში, თეატრის წინ შეიკრიბნენ და სოლიდარობა გამოუცხადეს დაშავებულ ჟურნალისტებს.

საზოგადოებრივო მაუწყებლის აჭარის ტელევიზიისა და რადიოს ჟურნალისტების ორგანიზებით, სოლიდარობის აქცია გაიმართა ბათუმშიც, ევროპის მოედანზე.

ჟურნალისტებმა და სამოქალაქო აქტივისტებმა აქცია გამართეს გორშიც, სამხარეო პოლიციის დეპარტამენტთან და დამნაშავეების დასჯა მითხოვეს. მოძალადეების პასუხისგებაში მიცემის მოთხოვნით საპროტესტო აქცია გაიმართა გორშიც.

„არა ძალადობას“ - ამ ლოზუნგით კი ჟურნალისტებმა ზუგდიდში გამართეს აქცია.

გუშინ, 5 ივლისს, თბილისში დაგეგმილი “ღირსების მარშის” წინააღმდეგ გამართულ აქციაზე ძალადობრივი ჯგუფები მედიის წარმომადგენლებს თავს დაესხნენ. შინაგან საქმეთა სამინისტროს ინფორმაციით, სულ დაშავებულია მედიის 53 წარმომადგენელი. ჩვენ ამ დროისთვის 47 ჟურნალისტის, ოპერატორის და ფოტორეპორტიორის იდენტიფიცირება შევძელით. მათი ნაწილი მძიმე დაზიანებებით ამ დრომდე საავადმყოფოში რჩება. დაზიანებული და განადგურებულია ტელევიზიების და ონლაინ გამოცემების ტექნიკა.

შსს-ს ინფორმაციით, ამ დროისთვის, ჟურნალისტებზე ფიზიკური ძალადობისა და პროფესიულ საქმიანობაში უკანონოდ ხელშეშლის ფაქტზე, სამი პირია დაკავებული. უწყებაში ამბობენ, რომ გამოძიება სისხლის სამართლის კოდექსის 154-ე მუხლის მეორე ნაწილით და 126-ე მუხლის 1 ნაწილით გრძელდება.

“რუსთავის 2-ის”, “მთავარი არხის”, “ტაბულას” და „ნიუპოსტის“ ჟურნალისტებზე ფიზიკური ძალადობისა და პროფესიულ საქმიანობაში უკანონოდ ხელშეშლის ფაქტზე, შინაგან საქმეთა სამინისტრომ სამი პირი დააკავა. მათგან ორი წარსულში ნასამართლევია.

უწყების ინფორმაციით, ამ დროისთვის გამოკითხულია მედიის 25 წარმომადგენელი, მიმდინარეობს მასალების შესწავლა და დანაშაულში მონაწილე სხვა პირების დადგენა.

5 ივლისს, თბილისში “თბილისი პრაიდის” მიერ დაგეგმილი “ღირსების მარშის” წინააღმდეგ გამართულ აქციაზე ძალადობრივი ჯგუფები მედიის წარმომადგენლებს თავს დაესხნენ, აყენებდნენ ფიზიკური და სიტყვიერი შეურაცხყოფას და ხელს უშლიდნენ ჟურნალისტურ საქმიანობაში.

შინაგან საქმეთა სამინისტროს ინფორმაციით, სულ დაშავებულია მედიის 53 წარმომადგენელი. ჩვენ ამ დროისთვის 47 ჟურნალისტის, ოპერატორის და ფოტორეპორტიორის იდენტიფიცირება შევძელით. მათი ნაწილი მძიმე დაზიანებებით ამ დრომდე საავადმყოფოში რჩება.

შსს-ში ამბობენ, რომ გამოძიება სისხლის სამართლის კოდექსის 154-ე მუხლის მეორე ნაწილით და 126-ე მუხლის 1 ნაწილით გრძელდება.

ტელეკომპანია “რუსთავი 2” და “იმედი” აცხადებს, რომ ეთერს აღარ დაუთმობენ რადიკალურ ჯგუფებს და აღარ გააშუქებენ მათ განცხადებებს. "მთავარმა არხმა" და "ტვ პირველმა" კი რადიკალური ჯგუფების აქციიდან თავისი გადამღები ჯგუფები გამოიყვანა.

ეს გადაწყვეტილება ტელევიზიებმა დღეს, 5 ივლისს მიიღეს, მას შემდეგ, რაც თბილისში დაგეგმილი “ღირსების მარშის” წინააღმდეგ გამართულ აქციაზე ძალადობრივი ჯგუფები მედიის წარმომადგენლებს თავს დაესხნენ და ფიზიკური და სიტყვიერი შეურაცხყობა მიაყენეს.

რუსთავი 2

"რუსთავი 2" აცხადებს, რომ დღეიდან რადიკალური და ძალადობრივი ჯგუფების მიერ ორგანიზებულ არც ერთ ღონისძიებას აღარ გააშუქებს.

"ჩვენი ტელეკომპანიის ეთერი არასოდეს აღარ დაეთმობა პირებს და მათ ლიდერებს, რომლებიც ღიად იყენებენ სიძულვილის ენას, მოუწოდებენ ძალადობისა და აგრესიისკენ, აკეთებენ ჰომოფობიურ, ქსენოფობიურ თუ სხვა მსგავსი შინაარსის განცხადებებს”, - ნათქვამია “რუსთავი 2-ის” განცხადებაში.

იმედი 

განცხადებას ავრცელებს ტელეკომპანია „იმედის“ დირექტორი, ნიკა ლალიაშვილიც და ამბობს, რომ მოძალადის იგნორირება და პოზიციის არდაფიქსირება გამოსავალი არ არის და ნებისმიერი მედიასაშუალების ვალია, ობიექტურად გააშუქოს და ამხილოს მოძალადე, მითუმეტეს, თუ ამ ძალადობის მსხვერპლი ჟურნალისტია:

“ჩვენი ინიციატივაა, რომ მედიასაშუალებებმა უარი ვთქვათ არა ძალადობის და მოძალადე ჯგუფების მოქმედებების გაშუქებაზე, არამედ მოძალადეების სატელევიზიო ეთერებში მოწვევაზე, სატელევიზიო ინტერვიუებზე და ამ გზით, მათ პრომოუტირებაზე. „იმედი“ ამ სტანდარტით იხელმძღვანელებს“, - აცხადებს ნიკა ლალიაშვილი

მთავარი არხი და ტვ პირველი

რადიკალური ჯგუფების აქციის გაშუქებაზე უარი თქვა “მთავარმა არხმა” და მაუწყებლის ყველა გადამღები ჯგუფი ადგილიდან გაიყვანა:

"მე მივიღე გადაწყვეტილება, მიუხედავად უზარმაზარი საჯარო ინტერესისა, "მთავარი არხის" ყველა ჯგუფი გამოვიხმო და შევწყვიტო ამ სისაძაგლის გაშუქება, პირველ რიგში ჩემი ჟურნალისტების ჯანმრთელობის და სიცოცხლისთვის შექმნილი საფრთხის გამო",- თქვა ნიკა გვარამიამ.

ძალადობრივი ჯგუფების აქციიდან გადამღები ჯგუფების გამოყვანის გადაწყვეტილება მიიღო “ტვ პირველმაც“.

რა მოხდა 

დღეს, 5 ივლისს, თბილისში დაგეგმილი “ღირსების მარშის” წინააღმდეგ გამართულ აქციაზე ძალადობრივი ჯგუფები მედიის წარმომადგენლებს თავს დაესხნენ. მათ ნაწილს მიაყენეს სიტყვიერი და ფიზიკური შეურაცხყოფა, დაშავებულია 50-მდე ჟურნალისტი და ოპერატორი. მათი ნაწილი მძიმე დაზიანებებით საავადმყოფოშია გადაყვანილი. დაზიანებულია ტელევიზიების და ონლაინ გამოცემების ტექნიკა.

“პრესის საერთაშორისო ინსტიტუტი” და “ჟურნალისტთა საერთაშორისო ფედერაცია” ძალადობრივი ჯგუფების მიერ თბილისში ჟურნალისტებზე თავდასხმას გმობენ.

“პრესის საერთაშორისო ინსტიტუტი“ ღრმა შეშფოთებას გამოთქვამს რადიკალური ჯგუფების მიერ ჟურნალისტებზე ფიზიკური თავდასხმის გამო და ხაზს უსვამს შინაგან საქმეთა სამინისტროს მიერ თავდამსხმელების სწრაფად იდენტიფიცირებისა და პასუხისმგებლობაში მიცემის აუცილებლობას.

განცხადებას ავრცელებს “ჟურნალისტთა საერთაშორისო ფედერაციაც” - „თბილისში „პრაიდის“ მსვლელობის დროს დემონსტრანტები ფიზიკურად გაუსწორდნენ ჟურნალისტებს და დაამტვრიეს ტექნიკა. ეს შეუწყნარებელი შეტევაა ინფორმაციის თავისუფლებაზე. დაუსჯელობა უნდა დასრულდეს“ - ნათქვამია ორგანიზაციის ტვიტერის გვერდზე.

კოალიცია "მედიის ადვოკატირებისთვის" მზადყოფნას გამოთქვამს სამართლებრივი მხარდაჭერა გაუწიოს დღეს დაზარალებულ ჟურნალისტებს და მედიაორგანიზაციებს.

კოალიცია ცხელი ხაზის ნომერს აქვეყნებს: 555 795 776

დღეს, 5 ივლისს, თბილისში დაგეგმილი “ღირსების მარშის” წინააღმდეგ გამართულ აქციაზე ძალადობრივი ჯგუფები მედიის წარმომადგენლებს თავს დაესხნენ. ჩვენი ინფორმაციით, დაშავებულია 40-მდე ჟურნალისტი და ოპერატორი. მათი ნაწილი მძიმე დაზიანებებით საავადმყოფოშია გადაყვანილი. დაზიანებულია ტელევიზიების და ონლაინ გამოცემების ტექნიკა.

შსს ამბობს, რომ მედიასაშუალებების წარმომადგენელთა მიმართ განხორციელებული ძალადობის და პროფესიულ საქმიანობაში უკანონოდ ხელის შეშლის გამოვლენილ ფაქტებზე გამოძიება დაიწყო, ტარდება შესაბამისი საგამოძიებო მოქმედებები და შესწავლილი იქნება ინციდენტების ამსახველი ყველა მასალა.

ამ დროისთვის არ გვაქვს ინფორმაცია მედიის წარმომადგენლების დაშავების ფაქტებზე დაკავებულია თუ არა ვინმე. შინაგან საქმეთა სამინისტროში ამბობენ, რომ განცხადებას გაავრცელებენ.