პრინც ჰარისა და მეგან მარკლის ახლადდაბადებულ ვაჟზე, Twitter-ზე გამოქვეყნებული რასისტული ფოტოს გამო, BBC-მ რადიოწამყვანი დენი ბეიკერი სამსახურიდან გაათავისუფლა. ფოტოზე, რომელსაც მან შემდეგი აღწერილობა დაურთო - “სამეფო ბავშვი საავადმყოფოს ტოვებს”, ნაჩვენებია, როგორ ჩამოდის კიბეზე ორი ადამიანი შიმპანზესთან ერთად, რომელიც ადამიანის სამოსშია გამოწყობილი.

BBC-ის განმარტებით ეს სერიოზული შეცდომა იყო და მსგავსი ქმედება ყოველგვარი ღირებულებებისა და სტანდარტებს მიღმაა. “დენი ბრწყინვალე წამყვანია, თუმცა ის ამიერიდან ჩვენს გადაცემას აღარ წაიყვანს”, - განაცხადეს BBC-ში.

თავად დენი ბეიკერის განმარტებით კი, ეს უბრალო სახუმარო შინაარსის ტვიტი იყო. მისივე თქმით, ის სამსახურიდან გათავისუფლებით, ფაქტობრივად, მიმავალი ავტობუსის ქვეშ შეაგდეს.

მეგან მარკლის და პრინც ჰარის ვაჟი სახელად არჩი 6 მაისს შეეძინათ. მედიაში ახლადდაბადებული პრინცის პირველი ფოტოები სამეფო წყვილმა 8 მაიის გაასაჯაროვა.

წყარო: imediaethics.org