Google-ის განცხადებით, უსაფრთხოების რისკების თავიდან ასაცილებლად 2023 წლის ბოლოს დაიწყებს იმ ანგარიშების წაშლას, რომელიც 2 წლის განმავლობაში არ გამოუყენებიათ.

რატომ მიიღო კომპანიამ ეს გადაწყვეტილება

Google აცხადებს, რომ გადაწყვეტილება უსაფრთხოების გამო მიიღეს, რათა მომხმარებლები დაიცვან სპამის, ფიშინგის, თაღლითობისა და ანგარიშების მისაკუთრებისგან.

• გადაწყვეტილება იმოქმედებს მხოლოდ პერსონალურ ანგარიშებზე და არა ორგანიზაციებზე, როგორიცაა სკოლა, ან ბიზნესი.

როდის ამოქმედდება გადაწყვეტილება

• გადაწყვეტილება დაუყოვნებლივ არ ამოქმედდება და 2023 წლის დეკემბრიდან დაიწყება.
• პირველ ეტაპზე წაიშლება ანგარიშები, რომლებიც შექმნის შემდეგ არასდროს გამოუყენებიათ.
• Google-ს თქმით, ანგარიშის წაშლამდე მომხმარებელს გაეგზავნება შეტყობინება.

როგორ უნდა შეინარჩუნოთ ანგარიში

ყველაზე მარტივი გზაა 2 წელიწადში ერთხელ მაინც შეხვიდეთ Google-ის ანგარიშში. აქტივობა შეიძლება, მოიცავდეს სხვადასხვა ქმედებას:

• ელფოსტაზე შესვლასა და შეტყობინების გახსნას/გაგზავნას.
• Google drive-ს გამოყენება.
• YouTube-ზე ვიდეოს ყურებას.
• ნებისმიერი აპლიკაციის გადმოწერას Google Play Store-დან და სხვა.